ဗိုလ်ချုပ်ကြီးများကို ခုံရုံးတင်ရန် ကြိုးစားမည်

Wednesday, 20 May 2009 20:04 အေးလဲ့
E-mail Print
ဒေါ်အောင်ဆန်းစုကြည်ကို ဆက်လက် ထိန်းသိမ်းထားပါက ဗိုလ်ချုပ်မှူးကြီး သန်းရွှေနှင့် စစ်အစိုးရ ခေါင်းဆောင်များအား ICC ဟု ခေါ်သည့် နိုင်ငံတကာ ရာဇဝတ် ခုံရုံးသို့ တင်ရန် တောင်းဆိုမည်ဟူသော အရှေ့ တီမော နိုင်ငံ သမ္မတ၏ ပြောဆိုချက်ကို ပြည်ပရောက် မြန်မာနိုင်ငံ ရှေ့နေများကောင်စီ (BLC)က ကြိုဆိုလိုက်သည်။

“ဒေါ်အောင်ဆန်းစုကြည်ကို မလွှတ်ရင် ဗိုလ်ချုပ်မှူးကြီး သန်းရွှေနဲ့ စစ်ခေါင်းဆောင်တို့ရဲ့ နှစ်ပေါင်းများစွာ ရာဇဝတ်မှု

ကျုးလွန်ခဲ့တာတွေကို စုံစမ်း စစ်ဆေးဖို့ နိုင်ငံတကာ ရာဇဝတ်ခုံရုံး(ICC)မှ ရှေ့နေချုပ်များကို တိုက်တွန်း တောင်းဆိုမယ်” ဟု အရှေ့တီမော သမ္မတ ဟိုဆေး ရာမို့စ် ဟော်တာက မေလ ၁၄ ရက်နေ့တွင် ပြောကြားခဲ့သည်။

မြန်မာနိုင်ငံ ရှေ့နေများ ကောင်စီကလည်း စစ်ဗိုလ်ချုပ်များအား ICC တွင် တရား စွဲနိုင်ရန် သက်သေ အချက် အလက် ကောက်ယူနေကြောင်း သိရသည်။

BLC က စစ်ခေါင်းဆောင်များကို ခုံရုံး တင်နိုင်မည့် အစီအစဉ်ကို အကောင် အထည် ဖော်ရန်အတွက် ၂ဝဝ၇ ခုနှစ်မှ စပြီး လုပ်ငန်းအဖွဲ့ တခုကို ဖွဲ့စည်းခဲ့သည်ဟု ထိုအဖွဲ့၏ တာဝန်ခံ နမ့်ဆန်းရှာဖောင်က ပြောသည်။

“ဒေါ်အောင်ဆန်းစုကြည်ကို ဖမ်းဆီးတဲ့ ကိစ္စဟာ မြန်မာနိုင်ငံ ပြည်တွင်း ဥပဒေအရပါ ကိုက်ညီမှု မရှိဘူး။ ပြည်တွင်း ဥပဒေကို မျက်ကွယ် ပြုပြီးတော့ မြန်မာနိုင်ငံရဲ့ တရား စီရင်ရေး ကိုယ်တိုင်က နအဖရဲ့ ခိုင်းစေရာ အတိုင်း လုပ်နေတာ ဖြစ်တယ်၊ ဒီလိုမျိုး တရား မျှတမှုကို အားကိုး အားထားလောက်တဲ့ တရား စီရင်မှုက ချွတ်ယွင်း ပျက်စီးနေပြီ ဆိုရင် နိုင်ငံတကာ တရား စီရင်ခွင့် ဘောင်ထဲ ရောက်သွားတာ ဖြစ်တယ်” ဟုလည်း ပြောသည်။

ဒေါ်အောင်ဆန်းစုကြည်ကို မတရား ဖမ်းဆီးထားခြင်းသည် နိုင်ငံတကာ ပြစ်မှုဆိုင်ရာ တရားရုံးက ပြဌာန်းထားသည့် ရောမ ဥပဒေ ပုဒ်မ(၇)၊ ပုဒ်မခွဲ (၁-င) အရ ပြစ်မှု မြောက်သည်ဟု ဆိုသည်။

“ဒီလို တရားမဲ့ ထောင်သွင်း အကျဉ်းချတာဟာ နိုင်ငံတကာ ဥပဒေ စည်းကမ်းကို ချိုးဖောက်ပြီးတော့ လူတယောက်ရဲ့ ကိုယ်ပိုင် လွတ်လပ်ခွင့်တွေကို ပြင်းထန်စွာ ဆုံးရှုံးစေခြင်း လို့ အတိအကျ ဖော်ပြထားတယ်” ဟု နမ့်ဆန်းရှာဖောင်က ပြောသည်။

စစ်အစိုးရ ကျုးလွန်ခဲ့သည်ဟု ဆိုသော ပြစ်မှုများကို နမ့်ဆန်းရှာဖောင်က ထောက်ပြရာတွင် ၂ဝဝ၃ ခုနှစ် ဒီပဲယင်း အရေးအခင်း၊ နိုင်ငံရေး အကျဉ်းသားများကို မတရား ထောင်သွင်း အကျဉ်း ချထားခြင်း၊ ၂ဝဝ၇ ခုနှစ် သံဃmh အရေး အခင်းတွင် သံဃာတော် များကို သတ်ဖြတ်ခြင်း၊ ၂ဝဝ၈ ခုနှစ် နာဂစ် မုန်တိုင်း အပြီးတွင် ဒုက္ခသည်များထံ ပေးပို့မည့် နိုင်ငံတကာ အကူအညီများ နှောင့်နှေးစေရန် အချိန်ဆွဲခြင်း၊ တိုင်းရင်းသား ဒေသများရှိ လူသတ်မှု နှင့် မုဒိမ်းကျင့်မှုများ၊ ကလေးစစ်သား သုံးစွဲခြင်း စသည်တို့ ပါဝင်သည်။

ICC ခုံရုံးသည် ၂ဝဝ၂ခုနှစ် ဇွန်လိုင်လတွင် စတင် လည်ပတ်ခဲ့ပြီး ပြစ်မှုကြီးများနှင့် ပတ်သက်ပြီး အရေး ယူနိုင်ရန် ရည်ရွယ်သည်။ ICC တွင် အဖွဲ့ဝင် နိုင်ငံပေါင်း ၁ဝ၈ နိုင်ငံ ရှိသည်။

ရောမ ဥပဒေကို သဘောတူ လက်မှတ်ရေးထိုးထားသော အာရှ နိုင်ငံများတွင် တောင်ကိုးရီးယား၊ ဂျပန်၊ အရှေ့တီမော စသည့် နိုင်ငံများ ပါဝင်သည်။

မြန်မာ နိုင်ငံ ကဲ့သို့ ထိုရောမ ဥပဒေ သဘောတူ လက်မှတ် ရေးထိုးထားခြင်း မရှိသည့် နိုင်ငံများကိုမူ ကုလသမဂ္ဂ လုံခြုံရေး ကောင်စီ (UNSC) မှ တဆင့် ICC သို့ လွှဲပြောင်းပေးအပ်မှသာ တရား စီရင်ပိုင်ခွင့်ရှိသည်။

တနင်္လာနေ့က ထုတ်ပြန်သည့် ပြည်ပ အခြေစိုက် အမျိုးသမီးများ အဖွဲ့ချုပ် (မြန်မာနိုင်ငံ) ၏ ထုတ်ပြန်ချက် တခုတွင် “နိုဗဲလ် ငြိမ်းချမ်းရေး ဆုရှင် ဒေါ်အောင်ဆန်းစုကြည်ကို ထောင်ချရန် ကြိုးပမ်းမှု အပါအဝင် ကျူးလွန်ခဲ့သော ရာဇဝတ်မှု အားလုံး အတွက် ဗိုလ်ချုပ်မှူးကြီး သန်းရွှေနှင့် အပေါင်းအပါများအား ICC တွင် တရား စွဲဆိုနိုင်ရန် နိုင်ငံတကာ အသိုင်း အဝန်းက ဝိုင်းဝန်းဖိအားပေးရန်” တိုက်တွန်း နှိုးဆော်ထားသည်။